Hihira (Ny Radontsoa Mamiratra)

Nantsain'i Ny Radontsoa Mamiratra
(Nalaina tao amin'ny vetso.serasera.org)
Mihira ianao androany: Hira mitanisa
ny tsiky sy ny olatry ny lasanao rehetra;
Hira te-hidradra fa nisy paradisa
tanatin’ilay fo nirianao ho tomoetra …

Mihira ianao androany: Kalokalo manja
mirakitra ny tsantan’ny diary anatinao …
Ngadona sy rima mahay mandanjalanja
ireo korontan-drindran’izao tontolo izao.

Fa mbola hihira ianao: hira tsy mifetra,
Handevona ny ela nandrotika Fanahy ;
Hiran-kasambarana sy tsiky tafatoetra;
Hiran-teny mamy … Hirahira ho ahy!

Ny Radontsoa Mamiratra
12/05/2020
--------
Rohy:
189 0
Hametraka hevitra
Midira aloha
Momba ny tononkalo
Mpanoratra : Ny Radontsoa Mamiratra
Nampiditra : ravelonarivomirado2001
Daty : 02/11/2023 17:07
Antsantononkalo
Nantsain'i Ny Radontsoa Mamiratra
© Eugene Heriniaina - serasera.org 1999 - 2024 - page load 0.0407