“What do you call it, freedom or loneliness ?" Charles Bukwoski (Ny Radontsoa Mamiratra)

Mangina ka mangina ny andronay ety
Misento ka misento … Mamerina mandia
‘lay eritreritro iny : ‘lay tia misetrasetra ;
‘lay faly mampanjavona ny misy ety rehetra !

Fa mamy ange ka mamy ‘lay akanin’i Neny
Fa tiana koa ka tiana ‘lay zandrinay ireny …
F’izany tsy mba fantatra, izany tsy mba hay
raha tsy feno fendrofendro … An-tany lavitra izahay …

Nanakaiza ianao, nankaiza … r’ilay fahazazàna ?
Ilay malefaka iny, ‘lay mpino fahagagana …
Fa osa ange ka osa ny foko mahonena
giazan’ny herisetran’ny fahaleovan-tena …

Ny Radontsoa Mamiratra
17/04/2023
--------