Te ... (Ny Radontsoa Mamiratra)
(Nalaina tao amin'ny vetso.serasera.org)
Te ….Te mba hitopian’ny masonao mamiratra
ny masoko te-hihiratra hibanjina maharitra;
Te-mba ho finaritra hianoka, hijery
ny hakanto sy ny herin’ny onjam-pamindranao;
Te-hihaino anao hiantsa sy hihira,
hatraty an-dakira ny fitiavana mafonja;
Te-ho voafonja ho anao an-tsitra-po:
hifanakaiky fo mandrakizay doria;
Te-hiriaria eto amin’izao tontolo izao
eo anilanao, hitety hasambarana;
Te-hiantso ilay anarana mamiko indrindra
nataoko tsara rindra ao anaty tononkalo;
Te-hikalokalo ny hatsaran’endrikao
mahatonga ainga vao sy ahondrako any A-nofy;
Te-mba hanonofy ny isika tafaray:
roa ho lasa iray tsy arahim-bedibedy;
Te-hirediredy ny bitsi-po tsy tohitra,
na aza hifanohitra dia mbola ho tia mangina;
Te-haminavina ny resaky ny fo
raha toa isika roa no ho lasa tia sy tiana!
Ny Radontsoa Mamiratra
28/03/2018
--------
Rohy:
Mpakafy:
hery
Hametraka hevitra
Midira alohaMomba ny tononkalo
Mpanoratra : Ny Radontsoa MamiratraNampiditra : ravelonarivomirado2001
Daty : 23/07/2024 15:45
![](https://vetso.serasera.org/media/images/s/20240602_144223.jpg)