You are here: home > Vetso

Eto amin'ity tany ity - Ny ToKy ( NTK )

Azo vakiana?

Nahoana kosa hoy aho
Ny fiainana eto an-tany
Nahoana kosa hoy aho
Toa manaikitra aoka izany

Ny ambony ambony ihany
Ny tsy manana mifetaka amin’ny  tany
Tsy misy izay mba fitovizan-jo
Eto amin’ity tany ity
Ny manana ao am-paradisa keliny
Ny mafy ady indreo mandany kosa ny heriny
Satria tsy maintsy mihinana amin’ny fiainana
Ka iza ? zovy no mba hitarainana ?
Eto amin’ity tany ity

Diniho sy jereo
Na mahagaga ihany
Ny mizanan-dry zareo
Fa toa ambony ambany
Eto amin’ity tany ity

Ny ngetroka dia sambatra finaritra
Ny mahanitra kosa indreo mitafo lanitra
Tsy mba manank-kialofana fa miafy
Eny na sakafo izany na koa fitafy
Eto amin’ity tany ity

Ny iray rà ihany no mandatsa
Ny fony anefa hota fa voaratra
Rahoviana vao mba hitraka
Sa dia mandra-maty no hizaka

Sokajy : Ny ToKy ( NTK )