kilalao - Ny ToKy ( NTK )

Fahiny, mbola kely
Raha iny fialan-tsasatra
Satry foana hilalao
Miaraka amin’ireo tary

Fanenjika, fangala-piery
Toa mitsikitsiky fatratra
Tsy mety lany atao
Tsinkonina, kivarivary

Miafina dia mitsaoka
kasikasy kapoaka
Teo koa ny baolina
Ny bandy sy raolina

Fahiny mpandoto lamba
Raha iny tsy ho adino
Satry foana hianin-kazo
Sy ny hafa tsy voatanisa

Tao ny raosy jamba
Teo koa ny tandrimo
Alahady sovaly hazo
Ary koa gorisagorisa

Mitokiky manal’azy
Rehefa mariazy mariazy
Tsy tiana ho tapitra ny lera
Manao dokotera dokotera

Mamy tokoa; ara-lanitra, kalesa, kapsily sy ny sisa
Tena maro tokoa saingy tsy ho voatanisa
Fa ny tsy ho adino rahatrizay
Dia ilay avy mangataka izahay…
NTK 2012 Mars

Hevitra mandeha

carinamihary (26/03/2012 06:29:31)

zany iii!

Hametraka hevitra

Mombamomba

Mpanoratra : Ny ToKy ( NTK )

Tononkalo hafa