Raha toa ka ianao (Randja)

Raha toa ka ianao no miazona ity tanana
dia tojo olon-tiana ka heniky ny hafaliana
fa ianao ilay anjely mpiandry mampisy hery hitsanganana
hanafaka ny gadra, hanafoana fijaliana

Raha toa ka ianao no mitoetra eo anilako eo
dia mitondra famonjena, manafaka fatorana
fa ianao no mpamonjy sy faniloko rahateo
mpanome aina sy fitia sady be fangorana

Raha toa ka ianao no mba anjara tandrify
dia tonga amin'ny tanjona niriana hatrizay
fa ianao ilay nofinidy hanaingo ny fiainana tsy midify
hasandratro any amin'ilay Ray ny vavaka hoe ny antsikaroa ho mandrakizay
--------