Safidy (Pharaon)

Ny safidy dia malalaka
raha hitady olon-tiana ianao
mahaiza tsara ny manavaka
f'izay no anjaranao

Notsongaina ianao tao anatin'ny maro
f'ianao no tena meva sy kanto
tsy zaraina tsy atakalo fa mahasaro-piaro
tavela aminao aho ka tsy handranto

Nofantenako ianao ka ho tiaviko
mandritry ny androko rehetra
anjarako ianao ka tsy ho laviko
hitondra ilay fitiavako tsy hanam-petra

Hajaiko ianao fa safidy
manjaka ao am-poko rahateo
ekeko mibaiko ekeko mandidy
tompo tompoiko tsy ankaleo
--------