Andraso kely (Pissoa)

Andraso kely

Ry volako mazava, na toa takonan-drahona
Raha mba tsinjonao ity vetsovetsom-poko
Voatemitra tantely nifangaro tamim-bahona,
Raha toa mba taratrao ity tsiky mitoloko

Dia andraso kely aloha !

Aza maika hisinda, handao ny tafon-tranoko,
Aza avelanao hanafotra ahy ny alina ;
Raha lasa mantsy ianao, ndrao ho hitako ny anganoko
Fa haizina no hodiavina, ny hantsana eto lalina.

Andraso kely hoy aho !

...

Tsy andraso kely mantsy e ! andraso be mihitsy ;
Raha azonao atao aza, mijanòna ho doria
Fa mitombo ny horhoro, ny jiroko mihavitsy ;
Nefa raha handeha ianao, ... Veloma, soava dia.

Veloma hoy aho !

Pissoa
--------