Asakasakao (Pissoa)

Asakasakao fa ...

Ilay Eny izay nomeny
Sy averiny ombieny;
Dia Eny, fanekeny
Fa ianao no tena hareny.

Tsy ilay Eny ambetin-tenin'
Ny mpamitaka izy ireny;
Na hoe Eny notereny
Mba ho to izay nokendreny;

Fa tena Eny,
Ilay Eny-n'
Ny fitiavan-dehibeny.

Ka asakasakao raha ...

Hiandry ny fitiavany
Ho tankina sy ritra,
Vao hiangavy ny finiavany;

Na hanidy izato fony
Efa reraky ny ditra
Ka tsy te hitia intsony;

Na hitondra hafaliana,
Tsy hamela azy hipitra
Fa mba manana olon-tiana.

Pissoa
--------