Diniho ny fiainany (Pissoa)
Mbola tsisy niantsa
(Nalaina tao amin'ny vetso.serasera.org)
Diniho ny fiainanyMisy fofom-boninkazo henonao nanentoento
Saingy sompatra ny rivotra fa tsy mamela hankafy.
Misy felana nirenty namoizanao ny sento
Saingy fohy ny fotoana namiratany tety.
Misy tsiky iray tinady raha vao mangiran-dratsy
Saingy zary nofy ihany hatramin'ny misasak'alina
Misy amboaram-pahendrana mba katsahinao ho vatsy
Saingy tsy ampy ny herinao hanakatra ny hevi-daliny.
Misy hafatra navela mba ho sori-piainanao
Misy toerana mba tiany hahitana anao mifaly.
Nefa izy tsy miteny, tsy mba nanoratra k'izao :
Diniho ny fiainany fa ao ny faniriany no voakaly.
Pissoa
(Fototra : Misy fofona gitara)
--------
Rohy:
Sokajy :
Fiainana - Fahafatesana