I Dada Amiko (Pissoa)
Mbola tsisy niantsa
(Nalaina tao amin'ny vetso.serasera.org)
I Dada amiko ?Ray mahafoy izay eny ampelan-tanany,
Mikaroka ombieny
Izay mety hahafaly sy hahatafita an-janany ;
Tsy miandry ahy hiteny.
Lehilahy tsy mba mamadika fa azo itokiana !
Fa na ho mafy na ho mora
Dia mitsangana eo anilako, mivimbina hafaliana
Misongona ny ankora.
Mitsangana ho vato, manda fihafenako
Raha arahim-pahavalo ;
Mivonona hanolotra ny sandry hiarenako
Raha lavo sy mimalo.
Ray tena mendrika izay valim-babena,
Sitraka lavareny,
Fisaorana miavosa, fitiavan-tsesehana !
Na dia tsy miteniteny.
Pissoa
--------
Rohy:
Sokajy :
Fitiavana - Fianakaviana
Hevitra mandeha
Malalason
(
19/06/2007 10:43)
bravo!
miela
(
21/06/2007 22:47)
marina ny voalazanao kanefa ny fitiavana asetrintsika azy ve mba mendrika izany ?