Izy iny - Pissoa

Izy iny !

Lisy kely mahalala izany hoe mihitsan-dravina,
Voninkazo tsy afa-tsaona ;
Nefa mbola manantena f'ity ririnina diavina
Mbola hiofo ho lohantaona.

Kintan-kely te hamiratra fa sinangin'orambaratra
An-davak'haizina mihalalina ;
Nefa mbola manantena fa tsy ho lefy irony taratra
Tiany handravahana ny alina.

Eny, izy iny ...

Ilay nitia anao an-jambany ka nibaby fanenenana
Sy nitrotro ratram-po !
Nefa mbola manantena ka miady ny hiverenan'
Ilay tsikiny taloha.

Hevitra mandeha

Zozoro (29/10/2011 16:31:16)

Misaotra pissoa a! tiko be

Izy iny...
Ilay nanome toky ka dia nitanisa ny paradisa fanamperana
mirakotra ny marina ary koa ny idealy tsy azon'inona toherina
Kanefa indro lasa ...angamba diso lalana ... sa tamberi-tany ?
Ny faniloko mirehitra mitsinjo azy foana mandra-mpiveriny any ho any.

tiarah (08/11/2011 13:13:00)

Kanto kely ery!!!

hery (15/06/2013 13:43:45)

Kay ity ny tononkalo farany napetrak'i Pissoa :-)
Fa aiza ny sasany?

raozigasy (15/06/2013 17:58:53)

dia aiza i pissoa ???

pissoa (16/06/2013 08:48:10)

Hihihi, ito ihany aho fa efa ela be tsy nanoratra.

raozigasy (16/06/2013 21:02:58)

fa taiza ianao Pissoa
izahay tato vaky loha
nikaroka ihany
hay ianao ka tany !!!

winner (03/12/2014 21:37:13)

De aiza ho aiza izao
Zay mba vaovao ?
Tsy hoe ratsy ny taloha
Fa aleo mba hifoha
Ny aingam-panahinao
Fy hatram'izao

Mombamomba

Mpanoratra : Pissoa

Nampiditra : pissoa
Daty : 24/10/2011
Mpamangy : 2674
Mankafy : 1

Tononkalo hafa

Izy ilay Dada
Sahia
Tsy hanoratra
Tsy fantatrao
Mizarà Fitiavana
Torio fitiavana
Vavaka hariva
Izy ve ?
Nofinofy lavitra
Hiangaro