Salanitra (Pissoa)

Saika mbola hananihany,
Hanaraby, hamazivazy;
Kay ny fo efa no tomany,
Tsy mety fa hanaraka azy.

Saika mbola hamilafila,
Na hampivelatra safidy;
Saika hamaly hoe tsy mila,
Fa ilay fo nikiribiby.

Saika hampiseho ambo,
Te hiseho angaha hoe matotra?
Kanjo tapaka ny rambo,
F'efa babony, voafatotra.

Saika hamela azy ho irery,
Hanganohano, ho velo-tsetra.
Nefa efa tsy afa-niery,
Fa tia azy tsisy fetra.

Dia nanaiky hiara-dia,
Tezerany sy ampiantainy.
Hizarany ilay fitia,
Mitondra koa ny adin-tsainy.

Salanitra

Pissoa
--------