Soa Ianao (Pissoa)

Soa fa misy anao iny, nomeny ahy ho fihantako
Ho sakaiza mahatoky, namana afaka hitafako ;
Ka na ny ketriky ny foko, na ny rebiky ny saiko
Samy azoko zaraina aminao, tsy mila baiko.

Soa fa misy anao iny, mba nanova ny fijeriko
Hanandratra ny fahalavoko ho apinga, zary heriko.
Anao ny tanana nanala irony geja amam-patorako
Ka nanolotra ahy ny sabatra hanamontsana ny olako.


Soa fa misy anao iny, mijoro ho tena mpankahery
Sahy mibedy tsotra izao ity saiko teritery ;
Soa ianao fa tsy nitsitsy nandatsaka ny ranomasoko
Hanasako indray anio ny fiainana efa vasobasoko.

Soa mihitsy ianao iny.

Pissoa
--------