Teo (Pissoa)

Teo

Teo no niandrandrany izay mba teny maminy,
Teo no nitadiavany angola, fahasambarana ;
Teo no nikatsahany izay mety ho tambitambiny
Teo no nantenainy handrenesana "fitiavana".

Teo no niandrasany ny tsiky fanaperana,
Teo no fitarafany ny hakanton'ny tontolony ;
Teo no noheveriny tsy halalany fahanterana,
Teo no nofinofy mba filasian'ny molony.

Saingy teo, indrisy, no nandemy ny fisainany
Teo no tsy nampoiziny hanamaloka ny androny
Teo no nisantarany ny tena adim-piainany
Satria avy eo ny teny nandotika ny hambony.

Pissoa
--------