You are here: home > Vetso

Tsy Ho Hadinoko Ianao - Pissoa

Azo vakiana?


Tsy ho hadinoko ianao

Any andro, any volana
Tsy eto an-tany ny "Doria" :
Mety hivoha ity mba fatorana
Na horavana ilay fitia.

Mety hisy koa fotoana
Hoe tena mamy ilay fitiavana
Saingy tsy afaka mihaona
Tsy afaka hifampitantana ...

Fa tsy ho hadinoko ianao.

Ny bedibedinao maro,
Ny hatezeranao mafana,
Irony fahasarotam-piaro,
Ireo ranomaso izay tsy tana ;

Ny vinavinantsika roa,
Ireo nofinofy nozaraina,
Ny sangisangintsika koa
Hitamberina ao an-tsaina !

Ka tsy ho hadinoko ianao.

Ireny rehetra rehetra ireny
Sy izay rehetra mbola hatao
No samy hampatsiaro ombieny,
Hitantara ilay "Izaho sy Ianao".

...

Ka raha hisy ny fotoana
Isika tsy afak'hiara-dia :
Na tia fa tsy afaka mihaona,
Na efa rava ilay fitia ...

Dia tsy ho hadinoko ianao.

Pissoa
(Feb 2007)

Hevitra mandeha

nikopol (22/02/2007 09:23:00)

ountss mampanantena tsy misy fotsiny

pissoa (22/02/2007 09:32:04)

ka raha fampanantenana tsy misy ve no ilainy amizao ... maninona raha mba atao ?

Hihihi, tapa-tsinay za :)

hery (23/02/2007 09:05:35)

inona anefa no tombony ho azo amin'ilay tsy fanadinoina? Hoe rehefa mihaona tampoka ve dia ohatry ny hoe tsy nifandao? Hmmm :-w

tynah (23/02/2007 20:01:36)

Mbola tia izy matoa tsy hanadino satria soa ny nifanaovana.

cialaurie (10/07/2007 06:13:34)

marina ny anao ry pissoa, fiainana mandao ity

piste (04/09/2007 03:41:39)

Hafa ihany hono ilay voalohany

winner (02/10/2007 20:23:52)

Snif..Mbola misy afo azo velomina ihany zany any aoriana raha sendra miova hevitra koh

Hametraka hevitra

Midira aloha

Mombamomba

Mpanoratra : Pissoa

Nampiditra : pissoa
Daty : 20/02/2007
Mpamangy : 1890
Mankafy : 1

Tononkalo hafa

Sahia
Tsy hanoratra
Tsy fantatrao
Mizarà Fitiavana
Torio fitiavana
Vavaka hariva
Izy ve ?
Nofinofy lavitra
Hiangaro
Tsy holazaiko