NOFY (Poezita)
Mbola tsisy niantsa
(Nalaina tao amin'ny vetso.serasera.org)
*NOFY*Nofy!
Mpiantsehatra ravaky ny saina
Lokom-pon'ny mpanantena!
Hery vaika tsy hay toaina!
Anaty,ivelan'ny tena.
Nofy!
Sakaizan'ny fitiavana
Mpandonaka tsy ho karakaina
Fa loharano mitomandavana
Ny ao am-po fa tsy maina
Mampitety vazatany
Mampiadidina lohasaha
Nef'izaho toa eto ihany!
F'izy no ody risik' ampizaha
Nofy!
Rakitry ny lasa
Fifaharan'ny maraina
Sady arahan-kasa!
Mba ho To ilay nantenaina
Nofy!
Mampitempo ilay foko faharoa!
Ka itohy ny natiora samihafa fiforonana
Dia ilay AY-ntsika roa!
Re manako injay ilay fiombonana!
Ny Poezita
24/08/2017 (Thélo RANDRIANANTENAINA Herizo)
--------
Rohy:
Mpakafy:
Thelo
