Bitsiky ny fo.... - r.epsilon
Azo vakiana?
Deraiko ialahy ry fo, mba manana finiavana,
Hamantatra ny soa, ny tsara hiantsapazana!
Miezaka manandrana hanakatra ny "mena"
Na hita fa tsy randrana manendrika ny tena!
Melohiko indray, anefa.... toa hita, tsy azo lavina:
Fa : "Fo mirefarefa", mpanao kihevi-dravina!
Vorona eny an-danitra mifaly sy mihira,
Fofonina ho manitra?...kasaina hasiana sira???
Hasehoko an'ialahy ny tena fahendrena???
" Fadio ny sahisahy....aleo manaja tena! "
Nofy mantsy iky, na dia hiraparaka,
'Zay vodi-na sobiky ve no hampidirin-dapa?
Tsarovy tadidio, sao hadinonao tokoa:
Fa ny vatosoa madio, tsy azo atsipy ny kisoa!
Fidio ny manandrify dia ekeo izay antonony....
Ny anjara tsy midify...ka mba mahalalà ny oniny!
Mombamomba
Mpanoratra : r.epsilon
Nampiditra : r.epsilonDaty : 19/02/2014
Mpamangy : 1266
Mankafy : 0
Tononkalo hafa
Natao ho an'iza moa ianao???Aleoko….
Aiza moa no tsy……
Ilay mpandalo maizimbolana!!!
I VOLANA
izaho ve?
Izay ho vadiko!!!
Vavaka
Lamaodim-behivavy !
Bandy mafy ady!
