Vavaka - r.epsilon

Azo vakiana?

Vavaka

Ry Tompo Masina indrindra, miantso ny Anaranao aho!
Tsy kabary tsara rindra,fa vavaka omban-talaho!
Nanenina noho ny ditra, notodian'ny ratsy natao!
Koa indro fa nibaby kitra,vonjeo ny zanakao!

Indro atolotro ny foko, diovy ka mba sasao,
Jereo fa marokoroko ny tseroky ny ota tao?
Mba iraho ny Fanahy, hitoetra ao indray!
Hitari-dalana ahy, tsy hiala Aminao ry Ray!

Ry Tompo ô, mba henoy,izao fivavako izao!
Aoka Ianao tsy hahafoy,ka handao 'ty zanakao!
Hitandrina aho ami-sisa, mba hanonitra izay!
Ry Tompo ô, matokisa,fa maso voan-tsakay!

                             r.epsilon
                             Anjoma-Itsara,Fianarantsoa  Desambra 1992

Mombamomba

Mpanoratra : r.epsilon

Nampiditra : r.epsilon
Daty : 13/10/2013
Mpamangy : 1266
Mankafy : 0

Tononkalo hafa

Natao ho an'iza moa ianao???
Aleoko….
Aiza moa no tsy……
Ilay mpandalo maizimbolana!!!
I VOLANA
Bitsiky ny fo....
izaho ve?
Izay ho vadiko!!!
Lamaodim-behivavy !
Bandy mafy ady!