Ny Fiainako - Ra-Aina

Azo vakiana?

Ady ny ahy ny fiainana
Toy izany, isan'andro,isan'andro.
Zaho tsy mba manana hitaranaina
Tsy hariva, tsy maraina, tsy atoandro.

Ao ireo ratsy, sy mpisompatra
Mikatsaka ny handrava izay nahoriko.
Ny heveriko ho akaiky ahy manampy trotraka.
Mampitombo ny zioga eo an-tsoriko.

Latsa sy Ompa miraradraka
Izay fitalahoako very maina.
Ny ranomasoko mipatrapatraka
Ny ratram-poko tsy hay lazaina.

Ny endrikendrika sy hosopotaka
Zakaiko avokoa na dia tena mafy
Fa ny sentoko mangina tsy mipoasaka,
No aoka hitsara atsy ho atsy.

Fa toy ny zava-mitranga rehetra,
Mino aho, fa izao rehetra izao dia mbola hifarana.
Ka ny fahoriako dia hana-petra,
Ary izaho hisy hanolo-tanana.

Zay no andro iray mba handrandraiko.
Mba ho fotoana tena sarobidy
Andro iray mba hantenaiko
Hifaliana hanadinoako ireo mafy sy mangidy.

Ra-Aina
1 Feb 2018

Mombamomba

Mpanoratra : Ra-Aina

Nampiditra : Ra-Aina
Daty : 18/01/2022
Mpamangy : 205
Mankafy : 0

Tononkalo hafa

Mba aiza re?
Hafahafa ilay Fitia!
Ry androko lasa, nivalok'
Hanadino aho ve?
Ry zanako,
Hembona
Olombelona aho
Injany fa reko, manindron
Tsy afaka
Tsiaro an'i Neny