Ry ilay olona iny (Rabarison Roberto Stephan)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ry ilay olona iny

Izay angamba ilay lahatra
Nifarana koa ilay tantara
Isika alahatra fa tsy pandahatra
Dia mba mitsinjova ny any afara

Nifarana ny dia
Na dia lalim-paka ilay fitia,
Dia nifaranana satria:..

Enao tsy natokana ho ahy
Fa efa aniny olona iny
Ka veloma aza manahy
Fa tsy ho voafafa ny fahiny

Ka tso-drano no atolotro
Tso- drano no omeko
Ilay teny avy amin'ny molotro
Ny fandaozanao ekeko

Misambara hoy aho
Misambara hatratrany any
Fa na mafy ar' izao
Dia miangavy aza mitomany

Mahereza hatrakao ny loha
Fa ny antsika tsy anjara
Miangavy aho tiavo ilay taloha
Mba tsy ho ratsy fiafara

Dia misambara ry ilay olona iny
Fa izaho anie ka tsy nitoetra ,
Fa pandalo , pivahiny
Ny androko voafetra

Rabarison Roberto Stephan ✍️
--------
Rohy:
98 0
Hametraka hevitra
Midira aloha
Momba ny tononkalo
Mpanoratra : Rabarison Roberto Stephan
Nampiditra : Roberto2001
Daty : 19/04/2024 12:46
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0809