AZA MANADALA SAINA - Rado

        AZA MANADALA SAINA

Aza manadala saina
Ka haniriniry volana eny an-tendron-danitra avo,
sao dia ho ory sy mangaina
raha hilaozany midila 'zany fonao ravoravo.

                 Ataovy ampy ho fifaliana
                 Rehefa namindrany tsiky ny efitrao tandrifin-dalany,
                 sao mararim-pijaliana
                 raha mamita-tena foana, ho hany tiany sy malalany.

Volana mpamitaka iny,
f'efa maro ny kamory no nirakitra ny sariny,
kinanjo teo dia nidifiany
ka alon-dranomaso sisa no lanjain'ny fo marariny.

                            Rado

Hevitra mandeha

andry 1000 (28/04/2015 05:48:21)

tena marina mihintsy ity tononkalo ity kah!! io zao dia bandy mety ho diso fanantenana lalovany sipa manja sy tsara, de nodifiany avy eo.................
Volana mpamitaka iny,
f'efa maro ny kamory no nirakitra ny sariny,
kinanjo teo dia nidifiany
ka alon-dranomaso sisa no lanjain'ny fo marariny.

Mombamomba

Mpanoratra : Rado

Nampiditra : hjravs
Daty : 18/04/2015
Mpamangy : 20473
Mankafy : 14

Tononkalo hafa

Noho ny zanako
Tanjona
Ny poeta
INAY
TOPIMASO
RAY Ô!
Angamba
VOROMANGA
Mpangalatra
SEPTAMBRA