You are here: home > Vetso

EFA ATAO NY FAMOTORANA! - Rado

Azo vakiana?

Efa atao ny famotorana.


Rehefa misy zava-doza zay mitranga eto Imerina
ka mandalo fitsarana dia izao no averimberina:
Tsy azo afenina ny marina fa holazaina am-pahatsorana
Saingy mahandrasa kely f'efa hatao ny famotorana.

Io ny lapan'ny tanàna, kila rava fa nodorana
fa izao no teny re: efa atao ny famotorana
Maty koa Ratsimandrava, tapi-dalana nizorana,
fa izao no teny re: efa ato ny famotorana.

Forehitra Andafiavaratra, ny tenanao nagorangorana,
fa mbola izao no teny re: efa atao ny famotorana!
Kila koa Anatirova, tomany isika torantorana,
fa mbola izao no teny re: efa tao ny famotorana.

Efa tao ny famotorana? taona firy lasa izay?
Tsy nisy valiny mba re, fa ny may dia tena may!
Ireo izay fototry ny afo, angamba tojo famotsorana;
Hany ka tsy nisy re ny vokatry ny famotorana!

Raha izany àry, no mitranga, mitandrema koa ianao ry Ambohitsorohitra,
Sao mandady any indray ny asan'ireo mpanani-bohitra!
Tsotra kosa izao ny teny izay omeko anao ry Imerina:
Aza dia mpiasabe, manaiky foana ampandeferina!

Hevitra mandeha

dahalokely (26/03/2008 10:34:42)

Marina ny voalazany atao ny famotorana sa efa dossier classé daholo reny eh. Iza anefa no hokianina amin'izany ..... tsy haiko aloha

dahalokely (26/03/2008 10:43:30)

Marina ny voalazany atao ny famotorana sa efa dossier classé daholo reny eh. Iza anefa no hokianina amin'izany ..... tsy haiko aloha

rijadolly (13/11/2011 20:21:53)

Raha izany àry, no mitranga, mitandrema koa ianao ry Ambohitsorohitra,
Sao mandady any indray ny asan'ireo mpanani-bohitra!

Soa fa efa nampitandrina Rado marina, hihihihihi fa raha tsy izany efa may tao ohatry ny RNM io. Ary Mpaminany ihany Rado a!

mahatsanga (13/02/2015 15:17:55)

Misaotra an ny rado. Efa natao ny famotorana hatramin izay ary mbola tsisy vita fa mitombo isa andro sy alina. Bois de rose. Fanitsakitsahana lalampanorenana. Dahalo niova fo..., efa atao ny famotorana

Hametraka hevitra

Midira aloha

Mombamomba

Mpanoratra : Rado


Nampiditra : ledada
Daty : 26/10/2006
Mpamangy : 7594
Mankafy : 8

Tononkalo hafa

Ny poeta
INAY
TOPIMASO
RAY Ô!
Angamba
VOUROMANGA
Mpangalatra
SEPTAMBRA
halako
SATRIKO HOLAZAINA ANAO