Fahatsiarovana - Rado
Lainga raha hisy izay fanadinoina
Handrakotra ny androm-pitiako voankaso
Tsy zaza matory io ka safosafoina
Dia mety ho rendrik'izay torimaso
Fa na hianavaratra na hianatsimo,
ny tsiaron'ny foko tsy ho lefin'izany
Totofana foana kanefa tsy adino
Akimpy ny maso fa hita ao ihany
Hitsonika ihany ny bika aman'endrika
Rehefa tanehan'ny andro sy taona
Fa ny fahatsiarovako anao tsy ho rendrika
R'ilay notiaviko indray lohataona!
Hevitra mandeha
intime (22/12/2011 05:02:55)
Ny fitiavana dia tsy mba maty fa matory!
dahfara (06/06/2013 18:34:24)
marina izany !
miakif2 (02/05/2015 17:31:20)
Marina izany
Itiavina (26/10/2015 04:53:01)
Marina ny voalazan' ny mpanoratra
lcrakotoarivelo (23/09/2016 10:32:03)
Iza no sahy hilaza fa tsy mbola niaina an'izany...fa vitsy ny olona nahavita namoaka azy amin'ny alalan'ny teny nefa mahafehy tanteraka an'ilay vetsom-po...
ambinintsoanafindra (03/01/2020 05:59:19)
Mametraka ny maha sangany azy ny mpanoratra ary hita ihany ny hakanton'ny aingampanahy taloha.
