Iny (Rado)
(Nalaina tao amin'ny vetso.serasera.org)
Sambatra iny làlana iny, lalovanao marain-tsy hariva !Ary angamba noho izany
no hanirian'ny voninkazo
tsy mitsahatra mamony
eny an-tsisintsisiny eny !
Hoy aho miteny irery :
Mba izaho aza no lalovanao marain-tsy hariva !
Sambatra iny efitra iny, onenanao mandavan-taona !
ka mahafantatra avokoa
ny tsiambaratelonao ...
Ary mahatamana anao
toy ny zaza izay tamana
am-pofoan'ny renibeny
Mba ny foko, aza no onenanao mandavan-taona !
--------
Rohy:
Sokajy :
Fitiavana
Mpakafy:
zakaberthot - hery - Adel RAKOTOMALALA - mialiii - priscanantenaina07 - Masoandroko - tony2016 - RijaAndry - RijaAndry - andreasr - kinaoly
