Sambatra (Rado)
(Nalaina tao amin'ny vetso.serasera.org)
Sambatra ianao fa nahay nanadinoNy andro efa lasa navalon'ny taona
Sambatra ianao f'efa tonga tsy nino
ny zavatra nisy ary dia afa-tsaona !
Mahantra kosa ny foko ikotrehan'
ny fahatsiarovana mahavalalanina
Tsy mahay manadino ka rotidrotehin'
ny tambolombolom-pitia mahafanina
Fa taiza no lala-nalehanareo
no haingam-pamindra ny fanadinoana ?
Ny anay irony lasa toa vao aninkeo
Andrasan-ko faty vao mainka tsaroana.
1967
--------
Rohy:
Mpakafy:
zakaberthot - mialiii - Dina Malala - Niainahasina - rfanomezantoky - Aro-Zo - Arhaintso - Anael10 - fafa - kinaoly
