SATRIKO HOLAZAINA ANAO (Rado)
(Nalaina tao amin'ny vetso.serasera.org)
Be ny zavatra ato an-tsaikorehefa injay mahita anao
satry foana re ry aiko
hotantaraina aminao:
Voninkazo
iray nalazo,
satriko holazaina anao
angano iray mba sendra reko
hira kely notendreko
satriko holazaina anao,
zazakely menavava
mahate-hanongo lava,
Satriko holazaina anao,
trano rava sady may
teny ambanivohitray
satriko holazaina anao,
ilay isika tratra hariva
raha nijery an'i Tritriva
satriko holazaina anao,
izany ilay fangitakitako
fony vao ianao no hitako
satriko holazaina anao....
Satriko izao sy izao
hotantaraina aminao
kanjo lalina rahavako
fa voafatotra ny vavako,
Nahoana re no tsy voalazako,
feno, angamba, ny fitiavako?!
Ka oroka mangina ihany
no sisa nilazako izany.
--------
Rohy:
Mpakafy:
SamMakavela - shafira - mialiii - ambinintsoanafindra - fitiavantsoahasinafanantenana - LB - hery - Jantina - RAJEMA - tokyran05 - Laytianao - itjn - tiffany2017 - sfdi ko - mikesAn25 - randrianaivo16 - RijaAndry - famoha - Hitlerbeofo - mam'tsiadino - noely kely - bambara - stankely - ginah403 - rado.tsiky - lcrakotoarivelo - hasina9 - fandresena5 - Itiavina
Hevitra mandeha
andrinaivopaul2016
(
04/11/2016 09:35)
Zany ka tena fitiavana e!
ramasinavalonanicals
(
09/03/2017 16:19)
fitiavna e?ts mis mioatr iz iu zalah
ralmialy
(
26/09/2018 08:57)
Mamy ny fitia, rehefa tena vrai izy!
ambinintsoanafindra
(
03/01/2020 06:02)
Tena manaitra lavitra nohon'ny toritenin'i mopera ity tononkalo ity!
AZTECA
(
29/04/2022 12:49)
sao misy manana manontolo ilay tononkalon -dRado misy hoe
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
shafira
(
25/08/2022 11:33)
Mankasitraka na izao aza aho vao nahita an'ity!
