Tia - Rado

Tiako ianao no sady halako
Fa mangidy koa no mamiko!
"Fahavaloko", "Malalako"
samy anaranao raha amiko.

Angolaiko hoe "fitiavako"
Na mbantiko hoe "Mpamitaka"
Mifangaro eo am-bavako
ny hatezerana sy sitraka.

Tezitra aminao ny foko
Misamboaravoara erikitra!
Kelikey indray...Misoko
ilay fitiavako mamikitra.

Rado (1966)

Ankafizo

Sokajy : Fitiavana

Hevitra mandeha

mimisou (11/12/2006 13:24:47)

tsara loatra io tononkalo io ,inoako fa izay rehatra tia olona dia efa samy nahatsapaizany avokoa

za19ra (19/06/2010 13:34:05)

tiako io tononkalo io

Soarilala (22/06/2010 14:48:17)

Satria tokoa mantsy ny olona tena akaiky anao ihany no tena hamborahanao izay ao am-ponao ao;Tsy misy olona tonga lafatra; Ka raha misy zavatra mahafaly na mahasosotra anao amin'ny olona tianao dia lazainao tsy mihambahamba tsy misy fihatsaram-belatsihy. Izay no tena fitiavana.....