You are here: home > Vetso

Tsy misy - Rado

Azo vakiana?

Na misy aza sedra tsy maintsy setraiko
Manao hosivoanjo ny fiaina-maliako
Mainka hijoro ny fo sy ny saiko
Tsy maintsy mitohy ny kalom-balihako.

Na inona ronjon'ireo herisetra
Masiaka fifioka manao sesilany
Iaretako ireny satria manam-petra
Fa rivo-mandalo miserana ihany.

Izao no finoako ato anatiko ato
Na mbola mijaly aza aho ka misaona :
Tsy misy havandra hijanon-ko vato
Tsy misy ririnina mandavan-taona.

                          10 septambra 1993

Sokajy : Ady

Hevitra mandeha

kinaoly (25/12/2003 02:02:42)

mitombona sy zava-dehibe ny fotokevitr'io tononkalo io : na mianjera aza tsy maintsy miharina satria aorian'ny orana dia tsy maintsy misy masoandro mihiratra.aza kivy

mitsoa (01/04/2013 09:10:16)

tsy haiko intsony zay ambara fa mapitraka ahy

telomahery (19/06/2016 22:28:53)

marina be!

rfanomezantoky (24/09/2019 10:46:51)

Mbola misy antenaina hoy i Poopy

Hametraka hevitra

Midira aloha

Mombamomba

Mpanoratra : Rado


Nampiditra : rajaona
Daty : 13/11/2003
Mpamangy : 14197
Mankafy : 21

Tononkalo hafa

Ny poeta
INAY
TOPIMASO
RAY Ô!
Angamba
VOUROMANGA
Mpangalatra
SEPTAMBRA
halako
SATRIKO HOLAZAINA ANAO