BOLOKY (Rado)
(Nalaina tao amin'ny vetso.serasera.org)
BOLOKYIanareo no Antenimiera handany ny hevitra harosoko
Dia namaly ireo Boloky:”tena mahafaly , tompoko!”
Hisy omeko anareo an’izay anjara mofoko
Dia namaly ireo Boloky:”tena mahafaly , tompoko!”
Dia hampandrosoinareo izay mba hevitry ny Antokoko
Dia namaly ireo Boloky:”tena mahafaly , tompoko!”
Na ny lainga be ataoko n any fitaka sy hosoko
Dia namaly ireo Boloky:”tena mahafaly , tompoko!”
Afeno ihany, koa anefa izato loto sy tsikoko
Dia namaly ireo Boloky:”tena mahafaly , tompoko!”
Ampiasaiko koa ‘nareo hanohana ny adim-pokoko
Dia namaly ireo Boloky:”Mahafaly izany tompoko!”
Izaho, anefa, mody miala f’ianareo no tena hatsofoko.
Dia namaly ireo Boloky:”tena mahafaly , tompoko!”
Dia azoko ny tokiko
Fa mahay ireo Bolokiko
Ho famaranako an’izany
Izaho mbola nanontany
Ary izaho raha sendra maty ka halevina ny nofoko?
Dia namaly ireo Boloky:”tena mahafaly , tompoko!”
Aza mba matokitoky
Izay fanaikin’ny boloky
RADO
19/08/91 Voninkazo adaladala p, 33
--------
Rohy:
Sokajy :
Ahiahy - Tanindrazana
Hevitra mandeha
ketta
(
13/10/2010 08:23)
Enga anie ka izay antenimiera hipetraka eo; na loholona na solombavambahoaka, na ny Mandra-paha (CST) mba hiala @ io fahazaran-dratsy io
Faniriana ihany angamba ny ahy, ary mety nofinofy mihintsy.
Faniriana ihany angamba ny ahy, ary mety nofinofy mihintsy.
AZTECA
(
29/04/2022 12:58)
sao misy manana manontolo ilay tononkalon -dRado misy hoe
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
"izay very vakana,mbola hitady
izay very sampy, mbola hanolo,
ny zanaka kosa tsy tahaka an'izany
ny toera-nialany tsy mety voasolo"
Mankasitraka sahady ho an'izay mamaly
