You are here: home > Vetso

Adidiko - Rakotomalalason Jean Olivier (R.JO)

Azo vakiana?

ADIDIKO

Aoka itsy ho tantanako
Izatsy tananao rahavako
Fa saro-dalana ny "dia"
Tena mafy tsy malia

                  Hamafiso izany hetra
                  Ary aoka tsy hanjoretra
                  Fa tsy isika irery akory
                  No miaina tsy matory

Etsy ianao ho sakambiniko
Ny vatanao mba ho fihiniko
Hiondany izany tratrako
F'efa tony izao ny ratrako

                      Raiso mba ho tokin'aina
                     'Lay tia anao ry Sombinaina
                      Fa tsy sanatria anie
                      Raha resy ianao d'izaho handeha

"Tsia" no valiny rahavako
Na dia tsy ampy izay notoazako
F'ianao "ilay efa nofinidiko"
Dia hitoetra ho "adidiko"

                    Misoratra ao anatiko ao
                      Ilay endri-mahakanto anao
                         Ka ny toetra amam-panahy
                           Hokoloiko ho fananana ho ahy

                                         Malalason (R.JO) 06/08/05

Sokajy : FITIAVANA

Hevitra mandeha

zakilinina (11/08/2005 21:39:51)

Mba asio teboka sy faingo re ry Malalason fa tsy azoko mihitsy.

Malalason (12/08/2005 10:56:28)

tonga dia mba asio an'eritreritra moa fa adinoko e! hitanao ihany fa manota vary aza misy latsaka kony an! misaotra mialoha

rantia (12/08/2005 12:40:53)

mahafinritra fa tohizo malalason a! dia aza mijanona raha tsy mahafeno boky hi hihihi

proost (13/08/2005 10:22:36)

misaotra betsaka ianao no hitako fa tena manana talenta

mbitaniavo (19/06/2006 11:09:52)

izaho letsy tompoko dia an'isan'ny mankafy io tonokalo io

rabozaka (20/11/2006 18:44:09)

tsara ny hevitra fa mba hasongadino ilay hevitra