JODASY MPAMADIKA - Rakotomalalason Jean Olivier (R.JO)

Azo vakiana?

JODASY MPAMADIKA

Indrisy …

Sahin’ialahy ny namadika ny rahalahy sy anabavy
Ny tapaka sy namana, Ray sy Reny, Zoky, Zandry
Nampisotroina ny tangena, nomosavin’ialahy tambavy
Ialahy ‘lay noheverina ho kiady, hiankinana sy andry

Voafitaka ny maro fa hay ialahy no tena Jodasy
Fositra mpanimba voly, ary tena biby fa tsy olona
Nanapotika tanteraka ny ho avin’ireo Malagasy
Ny anio anie ho vita e! fa mbola ao ny Mpitolona

Ny Zanahary tsy andrin’ialahy, handrasanay eto ihany
Ka mba diniho ihany letsy fa ny vola anie tsy hangidy
Na tapitrohatra aza ny harena, rehefa ela maty ihany
Ka raha samy ho faty ihany tsy aleo ny tsara no finidy

Soa atao letsy levenam-bola, fa ny ratsy vita loza miantona

Malalason (2009)