NITETIKA NY HO KALA BE (Rakotomalalason Jean Olivier (R.JO))

Ny faharetanao no tena nantenaiko
Tamin’ny fotoana mba niarahantsika
Kanefa moa ianao nilaza fa ts’ilaiko
Raha hiafy lava izay vao hisy fika.

Ny hoavinao anefa no tena nimasoako
Tamin’ireny fotoana rehetra ireny
Niniako nobanjinina nataoko teo anoloako
Fa nodianao tsy hita, ireo fihetsiko niteny


Ankehitriny ianao solafaka ka lavo
Nangirifiry mafy, niaritra ny ratrany
Ianao ilay nanantena hanakatra ny avo
No potraka nianjera ka zary toa tsy fantany


Malalason 18/11/08
--------