TSY HIANDRY ANDRY INTSONY RY MALALA (Rakotomalalason Jean Olivier (R.JO))
Mbola tsisy niantsa
(Nalaina tao amin'ny vetso.serasera.org)
TSY HIANDRY ANDRY INTSONY RY MALALA Tsy hiandry andry intsony aho akia malala
Tsy te hisakafo fahadisoam-panantenana
Tsy hanantena teny mamy miaro tambitamby
Na hidradradradra hitomany hirediredy toa adala
Tsy hanao fotoana amin-dry intsony aho ry malala
Fa lany andro sy mamon’ny voapetrapetraka
Tsy hitsena, ary tsy tsenainao intsony koa ny tenako
Hovonoiko ato am-poko ianao f’izaho tsy hankahala
Tsy handalo any intsony aho akia ry tiako
Fa hotapenako aminao ny varavaram-poko
Ny lalana mankao amiko hamboleko tsilo
Angamba mety tsy ho ianao ilay tena iriko
Malalason 06/04/09
--------
Rohy:
Sokajy :
Fitiavana
Hevitra mandeha
Zozoro
(
06/04/2009 13:13)
Mitovy aminao aho...
Misaotra nampita.
Misaotra nampita.
raozigasy
(
06/04/2009 17:01)
AZA FEFENA
Na dia hovolenao tsilo irony lalana mankany
Na dia hotampenanao izany vavahadim-po
Raha toa ilay fitiavanao mbola mitempo sy tsy lany
Dia ho nofy izany rehetra izany , ho asa very maina koa
Na hivoady aza ianao, handa ny fotoana omeny
Na hitokona aza ianao, tsy hitsena azy am-piravany
Raha toa tsy fongotrao ilay faka, setrin’ilay fitia nekeny
Dia ho rera-dava eo ianao, sy ho vizaka hitomany
Na dia handa aza ianao, sy hiseho hoe manan-kambo
Na koa ianao hikombom-bava, tsy hamaly izay ambarany
Raha mbola misy sombin-Tia, na dia bitika toa kambo
Dia ho zava-poana ihany, ilay hanadino ny anarany
Satria ilay voady entim-po, sy ilay hatezerana marefo
Dia sandam-bidim-po voadona, ka tsy mahafehy ny tena
Satria ilay hasosoranao, ao anaty sefosefo
Dia mbola fitiavana vaventy, filavoana, faharesena
Na dia hovolenao tsilo irony lalana mankany
Na dia hotampenanao izany vavahadim-po
Raha toa ilay fitiavanao mbola mitempo sy tsy lany
Dia ho nofy izany rehetra izany , ho asa very maina koa
Na hivoady aza ianao, handa ny fotoana omeny
Na hitokona aza ianao, tsy hitsena azy am-piravany
Raha toa tsy fongotrao ilay faka, setrin’ilay fitia nekeny
Dia ho rera-dava eo ianao, sy ho vizaka hitomany
Na dia handa aza ianao, sy hiseho hoe manan-kambo
Na koa ianao hikombom-bava, tsy hamaly izay ambarany
Raha mbola misy sombin-Tia, na dia bitika toa kambo
Dia ho zava-poana ihany, ilay hanadino ny anarany
Satria ilay voady entim-po, sy ilay hatezerana marefo
Dia sandam-bidim-po voadona, ka tsy mahafehy ny tena
Satria ilay hasosoranao, ao anaty sefosefo
Dia mbola fitiavana vaventy, filavoana, faharesena
atonamia
(
06/04/2009 19:10)
Hatraiza Ny Fetra?
Hatraiza ny fetran'ny fiandrasana
Hanaovana sorona ny zava-drehetra
Sa ve hiandry andry fona hatrany an-pasana
Ka hiafy, hijaly etsetra etsetra?
Angamba hoy aho rariny kosa
Rehefa misy ny leo aseho mazava
Ny fitiavanao fotsiny atao miavosa
Mba ts'hisian' ny nenina ho anao lalandava
'Tsika rehetra dia miara-manaiky
Fa na lalim-paka ny fitia 'zay nekena
Rehefa mijaly ka mandany haiky
Dia aleo hialana fa tsy mety terena
Ho sarotra tokoa izany hanadino
Harary ny fo ny tomany tsy tana
Fa mahaiza mionona, mahaiza mino
Fa raha fitia hijaliana aleo hialana
Rehefa samy hijaly hitondra takaitra
Aleo hankelezina aleo foana aloha
Toy izay any aoriana vao tena ho taitra
Ho nenina hikiky hampamoifo
Hatraiza ny fetran'ny fiandrasana
Hanaovana sorona ny zava-drehetra
Sa ve hiandry andry fona hatrany an-pasana
Ka hiafy, hijaly etsetra etsetra?
Angamba hoy aho rariny kosa
Rehefa misy ny leo aseho mazava
Ny fitiavanao fotsiny atao miavosa
Mba ts'hisian' ny nenina ho anao lalandava
'Tsika rehetra dia miara-manaiky
Fa na lalim-paka ny fitia 'zay nekena
Rehefa mijaly ka mandany haiky
Dia aleo hialana fa tsy mety terena
Ho sarotra tokoa izany hanadino
Harary ny fo ny tomany tsy tana
Fa mahaiza mionona, mahaiza mino
Fa raha fitia hijaliana aleo hialana
Rehefa samy hijaly hitondra takaitra
Aleo hankelezina aleo foana aloha
Toy izay any aoriana vao tena ho taitra
Ho nenina hikiky hampamoifo
RAINMBAH
(
10/04/2009 07:47)
ANDRASO IZY !
Raha toa ka misy ny fitiavana,
Dia tsara ihany ianao miandry,
F’izy tsy haneho fandavana,
Fa hitsena anao an-tambitamby
Tsy lany andro akory ianao,
Nitsena azy tsy nahita,
Fa tena fisedrana izao,
Mba ho lesona amin’ny sisa.
Ny hamono ny anarany,
Dia fadio mihitsy izany,
Aza leo f’ianao no anjarany,
Ka aza mora mitomany.
Mba andalovy any ihany izy,
Ny fonao vohay varavarana,
Fadio mihitsy ny ho kivy,
F’izay tsilo ve hahasakan-dalana ?
Rainmbah 090409
Raha toa ka misy ny fitiavana,
Dia tsara ihany ianao miandry,
F’izy tsy haneho fandavana,
Fa hitsena anao an-tambitamby
Tsy lany andro akory ianao,
Nitsena azy tsy nahita,
Fa tena fisedrana izao,
Mba ho lesona amin’ny sisa.
Ny hamono ny anarany,
Dia fadio mihitsy izany,
Aza leo f’ianao no anjarany,
Ka aza mora mitomany.
Mba andalovy any ihany izy,
Ny fonao vohay varavarana,
Fadio mihitsy ny ho kivy,
F’izay tsilo ve hahasakan-dalana ?
Rainmbah 090409
maeva74
(
04/04/2010 23:43)
Raitra e! Mankasitraka ny poety rehetra
fitiamirana
(
09/04/2010 20:06)
raitra marina ilay Tononkalo mifamaly sy miady !Ao tsara daholo e!😊)
Hametraka hevitra
Midira alohaMomba ny tononkalo
Mpanoratra : Rakotomalalason Jean Olivier (R.JO)Nampiditra : Malalason
Daty : 06/04/2009 10:10