I BAKAKA sy ny TARINY - Rakotomalalason Jean Olivier (R.JO)

Azo vakiana?

I BAKAKA SY NY TARINY

Tabataba tsisy farany
Ao an’ivon’ala ao
Mampahafantatra ny anarany
No ataony kilalao

Samy miezaka manandratra
Ny feo-kadradrany daholo
Ka sondriana mbamin’ny angatra
Mihiaka mampitsangam-bolo

Mampanantena Saha – Edena
Sy Nosy feno hamamiana
Ry mpanafina kilema
Mijoko mora avy ato aoriana

Rehefa “lôvy” ry Bakaka
Dia minia manakorontana
Misompatra ny ao an-dapa
Toy ny voan’ny haromontana

Tsipaky ny maty an-drano
No hany sisa mba natao
Koa raha tsy te-ahita angano
K’hifidy vava be lazao?

Ka aoka itsy ry Bakaka
Mba ovay ny fombanao
Aza tia mandrava laka
Tsy aharesy azy akory ianao

Fa raha izy no mihira (Ny vorona)
Manofy mamy ireo matory
Fa raha sahy ianao midira
Ho toraham-bonjobory

NB:
Bakaka : Sahona
Vorona : Railovy

Malalason 19/06/06

Hevitra mandeha

hasikanto (01/07/2006 04:48:32)

Tsar ny hevitra satria nahita fy ny mpamaky.

Misaotra

Mombamomba

Mpanoratra : Rakotomalalason Jean Olivier (R.JO)

Nampiditra : Malalason
Daty : 20/06/2006
Mpamangy : 1657
Mankafy : 2

Tononkalo hafa

ENY AN-TSANDRIN’OLON-KAFA NO NAHASAMBATRA ILAY TIAKO
NY OLO-TIA ADALA
NITOHY...
NEKENA FA NOLAVINA
JODASY MPAMADIKA
TSY HIANDRY ANDRY INTSONY RY MALALA
HAMOY FO MANGINA
NITETIKA NY HO KALA BE
MIHELINA TOKOA (Val Ton Ny Kanto MIHELINA)
SANATRIA, TSY FANAKIANANA