Lanja! (Rakotomalalason Jean Olivier (R.JO))
Mbola tsisy niantsa
(Nalaina tao amin'ny vetso.serasera.org)
Lanja ! Tsaroako manan-danja
Sy tsy manaiky ho banga
Ato anatiko ato ny fisianao
Manindrona fiantefa
Ka tsy haiko ny hilefa
Sy hanadino anao
Mandreraka fanahy !
Lanja !
Misarisarim-badiko
Namatotra ny tadiko
Ho tena mafy tsara
Hijoro ho lehilahy
Tsy hanana ahiahy
Rehefa any am-para
Hiatrika ny fiainana !
Lanja !
Tsy hivoady aho
Fa tena tia anao
Fa toky ihany ireny
Entina hampandriana
Ny adrisam-pifaliana
Ny hamamian-teny
Fa ny atao no hita !
Lanja !
Ahoana no hiafarako
Sy ny mety ho adalako
Raha tsy eo anilanao
Aleoko mody mandry
Ataovy mampamangy
Malalason malalanao
Mitia tsy mety vita !
R. JO 21/12/04 Ankadifotsy
--------
Rohy:
Sokajy :
Fitiavana
Hevitra mandeha
yonikafopl
(
22/12/2004 13:41)
Malalasona humm fa dia inona loatra???
andriary
(
23/12/2004 10:23)
misy lanja anankiroafantatro!ny iray iomankarary an'iseio!ny faharoambolatsy hitan'isekanefa tsy misy valaka @ io lanja mankarary an'ise io ....tadiavo izy dia ho hita...
vetsoko
(
24/12/2004 12:26)
tena hita mihintsy hoe misy "lanjany" aminao le ...lanja,sa ty izany
Malalason
(
02/03/2005 08:26)
Tena tiako be sy manan-danja amiko mihitsy izy io
Hametraka hevitra
Midira alohaMomba ny tononkalo
Mpanoratra : Rakotomalalason Jean Olivier (R.JO)Nampiditra : Malalason
Daty : 22/12/2004 09:10