You are here: home > Vetso

miandry vasoka - Rakotomalalason Jean Olivier (R.JO)

Azo vakiana?

Miandry vasoka

Hionona amin’izay aho
Fa izay angaha no mety
Mahatsiaro tena ho lao
Ary hibaboka fa resy

Malahelo mafy aho
Tsy misy azoko natao
Ny tambitamby izay nomeko
Toa zary lasa  esoeso

Homeko tso-drano ianao
Hahita izay tena lafatra
Tsy hanao ny tsy fanao
Ka hivarina any an-tantatra

Aza asiana kozy ny amiko
Fa tsy azonao hianteherana
Ary ireo sangisangiko
Ndeha asiako fandeherana

Fijaliana no niainako
Nandritra izay fotoana izay
Sento lava koa ny fiainako
Niaritra ny mahamay

Na ny teninao aza
Toa masiaka be ery
Sa  izany no sahaza
Ilay foko tena tia

Aleo hijanona ho mpinamana
Sa atao mpianadahy
Ireo saika niaraharana
Aondrako any tsifahy






Sokajy : Fiononana

Hevitra mandeha

koloina (10/11/2007 09:51:23)

tsara le izy kah! tohizo

tonnyy (11/11/2007 18:35:14)

mahereza ranamana fa tsy anjara zany ny anareo

mbitaniavo (13/11/2007 09:12:21)

misaotra anareo nanome hery nan kafy