OMALY HARIVA KOSA... - Rakotomalalason Jean Olivier (R.JO)

Azo vakiana?

Isaky ny mihaona isika hatramin’izay
Dia ny tanantsika no indreo mifandray
Fa omaly hariva kosa tsy haiko hoe nahoana
Ny molotsika roa no indreo fa tafahaona

Ny vatana injao toa voan’ny bemangovitra
Ny rà izay nikoriana, ny fo nihovitrovitra
Ny orana namonto ny tenantsikaroa
Tsy nahataitra antsika fa zary fy tokoa

Ny anjomaran’ilay fiara, nanaitra tao afara
No nampifoha tsy satry fa hay isika tara
Ny andro efa alina,  lavitra ny akany
Nisento kely aho, ianao toa hitomany

Ny tahotra ho bedy tsy nosainintsika
Ary koa ny aretina vokatry ny hatsiaka
Fa satry foana foana, hifampidola eny
Hifampisangisangy toa an’I Dada sy I Neny

Malalason 17/11/06

Hevitra mandeha

lindaglacier (01/12/2006 12:10:49)

mahafinaritra e! na sembanin-drahona aza dia matsiro foana...
Landy

lindaglacier (01/12/2006 12:11:19)

mahafinaritra e! na sembanin-drahona aza dia matsiro foana...
Landy

hery (05/12/2006 08:28:34)

Milay e. Tena santimaka be.

Mombamomba

Mpanoratra : Rakotomalalason Jean Olivier (R.JO)

Nampiditra : Malalason
Daty : 17/11/2006
Mpamangy : 1116
Mankafy : 3

Tononkalo hafa

ENY AN-TSANDRIN’OLON-KAFA NO NAHASAMBATRA ILAY TIAKO
NY OLO-TIA ADALA
NITOHY...
NEKENA FA NOLAVINA
JODASY MPAMADIKA
TSY HIANDRY ANDRY INTSONY RY MALALA
HAMOY FO MANGINA
NITETIKA NY HO KALA BE
MIHELINA TOKOA (Val Ton Ny Kanto MIHELINA)
SANATRIA, TSY FANAKIANANA