Poeta velon-tsento (Rakotomalalason Jean Olivier (R.JO))
Mbola tsisy niantsa
(Nalaina tao amin'ny vetso.serasera.org)
POETA VELON-TSENTO Mirediredy lava ity poety ity
Raha jerena ny asa-sorany
Nefa mba refeso hoe : hatraiza
Raha ny lalana nizorany
No notantarainy anao !
Mampahatsiahy ny andro lasa
Notehirizin’ny omaly
Raha nanomboka nitia
Dia nahatsapa fa nijaly
Velon-tsento tsotra izao!
Mbola hisy hizoranao
Ny sombin-dalana nalehany
Namakivaky onjam-piainana
Ary mbola ho hitanao
Ny tian’olona tsy tiana!
Ho tojo anao ‘lay maminao
Kanefa,
Amin’izay fotoana izay
Efa an’olona ny fony
Na dia tiany aza ianao.
Dia aleony miari-pijaliana!
Minia mikipy imasonao
Nefa raha ny tena marina
Tena tia anao ny fony
Saingy dia fitia raraka
Tsy azo raofina intsony!
R.JO (21/07/04)
--------
Rohy:
Sokajy :
fanantenana
Hevitra mandeha
bichette
(
22/07/2004 10:24)
mampisento !
lemerde
(
22/07/2004 11:08)
ntsôô dia mbola hanoraty ihany izahay mpakà fy e!
vetsoko
(
07/12/2004 17:38)
par experience je me permet de vous dire mes amis:
AMOUR=EQUILIBRE
AMOUR=EQUILIBRE
Hametraka hevitra
Midira alohaMomba ny tononkalo
Mpanoratra : Rakotomalalason Jean Olivier (R.JO)Nampiditra : Malalason
Daty : 22/07/2004 08:56