You are here: home > Vetso

TARA - Rakotomalalason Jean Olivier (R.JO)

Azo vakiana?



Ho raisinao ny tanany
Ny masony hiantefa  
Hanopy maso anao
Fijery mahababo !

Ny molony hisokatra
Hitafa aminao
Fiteny miaro-hanta
Feo mandrotirotsy !

Ny famindra amin’izay
Milanto dia milanto
Tena zava-kanto
Mampierika mpandalo!

Izay olona izay
raha hitanao
Dia mba ilazao  
Izao teny izao :

“Tiany hono ianao
Fa saingy menatr’izy,
Hamboraka an’izany
Satria dia tiany loatra,
Ianao, ka tafahoatra
Ny hafanan”ny fony
Hila tsy hitony,
Manoloana anao…”


Malalason 06/09/2006

Sokajy : Aingam-panahy

Hevitra mandeha

Malalason (07/09/2006 05:37:04)

araka ilay voasoratra ao @ tononkiran'ny Solomona hoe :
"Raha mba hitanareo re ny malalako dia inona no holazainareo aminy? lazao fa ... aho"
(Ton Sol 5:8b) Antsika tsi 1 1 ny tohiny