You are here: home > Vetso

TSY HIOVA INTSONY - Rakotomalalason Jean Olivier (R.JO)

Azo vakiana?

     TSY HIOVA INTSONY

Mety hisy ve ny fanadinoana
Ka tsy ho tsaroany intsony ny anarako
Ary ho foana ny fanantenana
Hivalona ho tantara ao am-po
      Izy hono tsy hiova intsony
      Fa efa babonao
      Ny fo-ny hono tsy ho zarainy intsony
      F’efa natolony anao

      Tomany izy nandre ny anaranao
      ‘Lay endriny faly dia maloka indray
      Tsaroany anefa fa any ny andro iray
      Hiankina indray eo an-tsandrinao

Ireny fotoana izay niarahana
Dia tena mamy sy fy tokoa
Ny iray minitra tsy anilanao
Tsy tanty fa mampanembona e !
       Efa voasoratra angamba ny lalana
       Tsy maintsy hilanja ny ziogan’ny fitia
       Na mafy aza tsy maintsy ho zakaina
       Satria tiako, izy koa tia ahy

       Tomany izy rehefa injay ny velomanay
       Dia nolazainy koa fa hoe
       Nahoana no misy izany rehetra izany
       Adinony angaha fa :
               SEDRA NY FITIA


                          BITAKA

Sokajy : Fitiavana