Mpamitaka ! - RAMY

Azo vakiana?

Soa fa nisy loza ve,
Nahafahana niteny fa ianao no andrim-piainany ?
Ka ny sofiny handre,
Ilay teny mamy tsara rindra hampitony ny tarainany ?

Soa fa nisy koa ny ratsy,
Hampironga-pisehoana ao anaty fahoriany ?
Dia mody omena aloha ny vatsy,
Amin'izay angamba heverina fa resinao ny fijaliany ?

Ô ! Ry fitaka mavàny !
Izato herisetranao e ! Efa tena tafahoatra !
Tsy satry ve ho fafany
Irony andom-pahantrana nahageja mafy loatra ?

Raha hitsimbadika ny rasa,
Ka ianao moa no ho eo amin'ny toerana nitoerany !
Efa fantatro ny latsa
Hivangongo aminao, fa tsy hanam-pahataperany !


21/01/2022

Mombamomba

Mpanoratra : RAMY

Nampiditra : h_andriamoratsiresy
Daty : 11/03/2022
Mpamangy : 132
Mankafy : 1

Tononkalo hafa

Vahiny an-tanin-drazana
Jambena
Satriko,
Ilay mpampahantra,
Mbola azonao
Tranobongo