You are here: home > Vetso

Satriko, - RAMY

Azo vakiana?

Satriko aza tafatoetra
Ireny asanao ireny,
Ka ny vokatra rehetra
Tsy handalo toy ny teny.

Satriko hahita anao
Velombelom-pifaliana
Tamin-javatra natao
Tanteraka am-pitoniana.

Ny asanao ry sombinaiko
Dia ianao no nisandratany
Fony tsisy zava-pantany.

Teny toky fa tsy baiko,
Nentinao nanolo-tena
Dia ho an'ny firenena.


25/01/2022

Mombamomba

Mpanoratra : RAMY

Nampiditra : h_andriamoratsiresy
Daty : 11/03/2022
Mpamangy : 158
Mankafy : 1

Tononkalo hafa

Vahiny an-tanin-drazana
Jambena
Ilay mpampahantra,
Mbola azonao
Mpamitaka !
Tranobongo