You are here: home > Vetso

Avadiho ny page - raozigasy

Azo vakiana?

Izaho tsy mpanaraka politika,
hatramin’izay
Fa maka sopapa sy fikafika,
izay hoe milay
fa tamin’ity resaka foza ity ,
aho niova  kely
nanaraka akaiky sy naka fy
tsy hita velively

izaho tsy nianatra politika
ka hoe mahay
na koa niofana Amerika
eM.Bi.Ay
Na taizan-drenimalala
Ka hoe ENA
Fa  “gazetiko” no takatry ny drala
Dia avy eo dia “Ngah”

Kanefa na izany mba miasa ihany
Ity “coco” kely
Ka dia mahita hoe be vinany
Ity DJoely
Sao dia heveriny aza ny gasy
Fa hoe “vynil”
Ka safosafoina amin’ny balaoasy
Sy atao “style”

Ka mba hiteny kely aho aloha anio
Ho rem-bahoaka
Soloy amin’izay re ilay “disqu’io”
fa efa goaka
ndehana mikisaka any amin’ny dezaka
f’efa maloto
f’aleo hilamina ilay hoe “ezaka”
fa loham-boto

fenitra tsy hita hatramin’izay
efa lasan-kary
ka arahina ahoana indray
aza be kabary
fa isintaho ilay tanàna
rehefa tsy poinsa
sao kofon’ny fandikan-dalàna
izay vao hicoince

dieny tsy difotra hatrany an-tampony
aloha ny loha
dia alaviro hatramin’ny akony
Iavoloha
Araraoty dieny izao
ity sakoroka
dieny fotoana dia ialao
ts’isy torotoroka

sao higadona eo ny tody
tsy misomonga
ka Antanimora ialahy no mody
vao saina tonga
tsy haiko aloha, fa izany ny ahy
ny fijeriko azy
dieny azo ialana, tsy mandeha rà
dia avadiho ny "page "