Avelao - raozigasy

Azo vakiana?

HO setrin'ny tononkalon'i Hanitra Olive Ramanantenasoa

Avelao hirotsaka izany ranomaso
Rehefa tapi-tobaka ny horaky ny andraso
Mpandefitra ankaso

Avelao ny fo hanaiky ilay vahiny
Rehefa tapi-draraka ny fondro sy ny tsiny
Ka maina ny fahiny

Avelao hipaoka ny herin’ny tadio
Rehefa maivan-danja ilay fitia anio
Afoizo dia ario

Avelao ho maloka, ilay endrika mimalo
Rehefa ratsy aro, ka lasan’ny dahalo
Ilay tia izay fahavalo

Avelao hirotsaka ireo sisan-dranomaso
Avelao ho any ilay lasan’ny malaso
Fa tsy izay no matsatso

Fa mahaiza fotsiny, manaiky ilay anjara
Matoa iny tsy anao, dia tsy iny koa no tsara
Fa ilay avy ao afara

Hametraka hevitra

Midira aloha

Mombamomba

Mpanoratra : raozigasy

Nampiditra : raozigasy
Daty : 19/04/2013
Mpamangy : 859
Mankafy : 0

Tononkalo hafa

Un jour mon fils tu vas m
Fan Zone
Ialahy
Inona ary izany ?
Dadanao izany ... fa tsy dadanay
Fetin ny ray 2019
Reny
Izy roa VS izy roa
Eny
Mila...