EKEKO (raozigasy)
Mbola tsisy niantsa
(Nalaina tao amin'ny vetso.serasera.org)
EKEKO ho valin'ilay hafatr'i Fiaritiana ao amin'ilay tononkaloko hoe TSY NANORATRA
Ekeko re ry Fiaritiana
Ilay hoe aza dia variana
Fa manoratà foana ihany,
Manoratà foana hatrany
Ekeko re ry Fiaritiana
Ny hoe hanoratra ho an’ny Tiana
Ary satriko hoe isan’andro
No hanoratra fa tsy hilona andro
Ekeko daholo re izany
Fa tiako ho fantatrao ihany
Fa misy teny izay nambara
Natokako ho azy, ilay Anjara
Ekeko marina ny anao
Kanefa nisy tononkalo tao
Nataonay roa tsiambaratelo
Izay tsy eto k’aza malahelo
Ekeko koa ny hampiseho
Ny fitiavako Azy hoe indreo
Ary ireo tononkalo ireo
Ilay tsy nasehoko anareo !!!!!
--------
Rohy:
Sokajy :
Aingam-panahy
Hevitra mandeha
saharoy
(
02/06/2006 10:33)
tsara ity tononkalo ity
fiaritiana
(
03/06/2006 15:10)
ay efa nanoratra ihany zany ndry fa tsy naseho anay!EKENA!! tsara aky a! tohizo dé mahereza!
