Eny - raozigasy

Azo vakiana?

setrin'ny tononkalon i Nomena Toavina Rasoanindrainy

Eny ee

Ny teny farany ambarako , ho anao ry zandrilahy
Dia saotra sitraka sy telina, tsy nihafa ianao na niahy
Niteny tsy nisorona, tsy nisala nanambara
Izay tao am-ponao tao, sy tsy nikafarafara

Vitako ny adidiko, hoy ianao nilaza
Marina ny anao, tsy hoe resa-jaza
Na teniteny maivana, hoe fitia te hiteny
Fa tena vokatry ny fo, tsotra tsy lavareny

Ilay vohontanany nataony tsara tery
No mahalasa saina sy mampiteny irery
Dia hoy koa ange ianao, izy saikatsaikatra
Dia iny indray koa aho lasa sadaikadaikatra

Eny e .. mamerina fisaorana, aleo ny resaka hilamina
Vita ny adidinao, izaho hangina hijanona
Izay eritreriny any, aleo ho tsiambararoany
Isika koa tsy afaka hitsikilo ny ati-dohany

Mankasitraka e !

Mombamomba

Mpanoratra : raozigasy

Nampiditra : raozigasy
Daty : 30/05/2019
Mpamangy : 1025
Mankafy : 0

Tononkalo hafa

Orohy aho akia malala a
Tratry ny taona 2020 Ho
Gaigy be
01 Novambra 2019
Ry zalahy sy ny sasany
Natahotra
Peratra
Un jour mon fils tu vas m
Fan Zone
Ialahy