Fandrosoana - raozigasy

Azo vakiana?

Ho aiza ianao Rafandrosoana
no mirotoroto fatratra
hikaroka ny tonga lafatra ?

Ho aiza ianao Rafandrosoana
no minia mikimpy maso
tsy hahita ny andraso ?

Ho aiza ianao Rafandrosoana
midify sa tsy te-hahalala
ireo fahiny tsy niala ?

Ho aiza ianao Rafandrosoana
tsy manana izay fiafarana
no tsy mijanona hitafana ?


Nefa mba ho aiza moa ianao
raha tsy hanimba ny olombelona
ny asanao toa andram-bao
mamono maro vao mamelona

Mamorona izao sy izao
mikaroka etsy sy eroa
manao izay rehetra tsy fanao
lazaina hitera-bokatsoa

Nefa aloha hatramin'izao
dia mbola faty foana aloha
no valin'asa sy andranao
fandripahana tokoa

Tsy hita mantsy izay tsy rava
hatramin'ny lanitra mivava
jereo hatramin'ny ranomasina
voaloto very hasina

Ny tanety tsy lazaina
kila ny ala nantenaina
ny rivotra tsy azo hiainana
mamotika tontolo iainana


Ho aiza ianao Rafandrosoana
mba mijanonà vetivety
andraso kely aloha raha mety

Ho aiza ianao Rafandrosoana
mba moramora kely ihany
sao potehinao ny tany

Tana 10/07/2002

Hametraka hevitra

Midira aloha

Mombamomba

Mpanoratra : raozigasy

Nampiditra : raozigasy
Daty : 08/06/2004
Mpamangy : 2464
Mankafy : 1

Tononkalo hafa

Gaigy be
01 Novambra 2019
Ry zalahy sy ny sasany
Natahotra
Peratra
Un jour mon fils tu vas m
Fan Zone
Ialahy
Inona ary izany ?
Dadanao izany ... fa tsy dadanay