Hiverina eo (raozigasy)

Ho setrin'ny tononkalon'i Kiriah hoe "Dia gaga aho "

Hiverina eo izy rehefa maraindraina
tsy nety ny dia tany ka tena niala maina
fa any an-trano ihany, hono no maminy sy tiany
ny hafa any ivelany, ange ka kindriandriany

Any aminao ihany, hono no misy ny ambiansa
ny hafa sasany any, fakany kely avansa
any aminao ihany, hono no tena andrian'ny fony
ny hafa any ivelany, fanalany mony

Any aminao ihany, hono no matotra ny resaka
ny hafa any ivelany, fanalany vesatra
any aminao ihany, hono ny fiainany no atokony
ny hafa any ivelany ka fanalany vokony

k'andraso eo hono izy, fa tsy maintsy hiverina
izay sinda kely tany, hono ve tsy ho azonao leferina
fa ianao ihany hono, no tokan-tompon-daka
sady na inona ataony, ianao no mahazaka !!!!!
--------