IANAO ANIE KA TIAKO (raozigasy)
Mbola tsisy niantsa
(Nalaina tao amin'ny vetso.serasera.org)
Ilay fijeriko anao, somary malefadefaka iny raha mifono hevi-dalina,dia aoka tsy ho tsiny
Ilay fibanjinako anao, ilay fitopy angalarina
dia midika zava-maro, izay tsy sarotra fantarina
ilay fitsikitsikiko iny , raha vao mahita anao,
tena te hanambara mafy, izay miafina ao am-poko ao
ilay hamiranako iny, tamin'izato tsikinao
tena mahate-hanomboka, tantara hafa vaovao
ilay rehefa mandehandeha, irery iny isika roa
tsapako mihitsy hoe, tena mifankahazo am-po
ilay rehefa hody ianao, ka izaho ilay malahelo
dia mitondra nofy mamy , mamy ho tsiambaratelo
izany rehetra rehetra izany, , no natambatro , kajiako
ka mivaly toy izao : ianao anie ka tiako
--------
Rohy:
Sokajy :
Aingam-panahy
